Whirlpooling vs Hop-stopper

[FrodeAanes]

Eg kjem til å oppgradere brygge utstyret mitt og treng eit par tips. Eg har pr. i dag ein kokekjele i aluminium med ein hop-stopper i bånn, kjøler med ein motstrømskjøler frå morebeer. Kjelen skal byttast ut i ein rustfri type og eg lurer litt på whirlpooling.  Hop-stopperen fungerer jo ok men det blir med ganske mykje trub ned i gjæringskaret likevell.

Er det nokon som har testa både hop-stopper og whirlpooling og kan komme med ein meining om kva som gir minst trub i gjæringskaret??

Skal og skifte ut kjølebagen eg brukar til mesking med ein rustfri kjele med silbunn, no har eg ein HLT med masse overgangar og skru-koblingar som ikkje er i rustfritt, dette ønsker eg å forenkle med ferre deler og alt i rustfritt. Temp. følaren til PID som styrer meskingen sitter no montert i ein t-kobling på HLT`en, lurer på om det vil bli ok å montere denne rett i meske-kjelen??
Regulerings-sløyfa mi er ganske treg frå før pga det store volumet i HLT...

 

[katla]

Hopstopper ligg vel ofte på botnen og vil vel bli dekka av trub så om det er det beste utgangspunktet veit eg ikkje - er ikkje den primært for å ta humle blomst?

Eg kan ikkje gje deg noko superløysing på det med whirlpooling og trub - men eg har sett og andre har vel også erfaring med at med whirlpooling samlar trub seg frå sentrum og utover - men det er vel også forskjellar på kor mykje trub det vert.   Eg testa det for moro skuld med å ha kjøra whirlpooling i reint vatn med humle i og det samlar seg godt i midten då.    Gjev ein seg tid etter kjøling søkk mykje til botnen og om ein tappar forsiktig kjem det ikkje mykje trub med over i gjæringskaret - når eg tappar tek det ofte ein halvtime eller meir på 25 liter.    Er ein så uheldig at pickupbendet til kranen er nede i trub ser eg at den syg opp litt trub rundt bendet men ellers ligg det meste att.   Ein liten sterilisert finsil i byrjinga under slangen som går i gjæringskaret vil ta bort desse restane.  Pickupbend i kokekjele kan også vera roterbart(justerbart) slik at ein kan stilla høgda det tek inn vørter frå - på botnen eller høgare oppe - det kan også hjelpa på trubmengdene.  

--

Eg har montert PT100 følaren til PID i eit T-ledd som eg har hurtigkoblingar på. Så har eg også hurtigkoblingar på kranen på meskekjelen.  Og på silikonslangane som går til pumpa og vidare til toppen av meskekjelen.   Det gjer at eg kan demontera PT100 følaren enkelt og greit - og eg kan også bruka den andre stader om eg ynskjer.  Det er praktisk å kunna ta av PT100  - då kan eg bera med meg kjelen og vaska den utan å tenkja på elektronikk.  

Eg plar å sirkulera kontinuerleg under mesking og hentar vørter under silbotnen og ut krana.   Kjelen står på ei plate som eg styrer med PID-kontrollaren.     Sidan eg sirkulerar kontinuerleg med relativt god fart, vil det som vert oppvarma raskt bli oppfatta av sensoren.  

Alternativet måtte vera å ha ein kontakt på PT100-ledningen slik at ein kan kobla den frå PID kontroller.