Eg har ei god stund brygga med 3 kjelar - meskjekjel, kokekjele og ein kjel for å varma skyllevatn. Dette har laga godt øl - betre og betre faktisk etter kvart. Ulempa er at om ein bryggjer ein ettermiddag så blir det fort seint på kveld og tidleg natt før ein er ferdig med alt - inklusive vasking. I tillegg er det mykje transport opp og ned i kjellar og det har vore relativt tungvint. Tid er også mangelvare.
Eg har derfor valgt å prøva eit meir automatisert system som er meir alt-i-eitt. Det kunne jo vore kjekt å laga det sjølv men ein skal ha tid til det også. Og så har endring i vaskeromssituasjonen i kjellaren gjeve meg mulighet til å få meg ein liten bryggjekrok der slik at det blir mindre transport.
Så dermed vart det ein Speidel Braumeister og eg slo like godt til på ein 50 L. Eg skal iallefall gje han ein sjanse. Då eg bestilte den var eg litt kjapp på labben og det gjekk ikkje mange dagar før eg i Nuremberg såg at det var ein ny versjon på veg - men det var eg altså for kjapp til.
Første inntrykk
Då eg var i Nuremberg på messe var folka frå Speidel veldig kry av at dei hadde så godt polert stål. Det var lettare å vedlikehalda. Akkurat det må eg sei meg enig med dei i - Stålet i speidelen er høgglanspolert - det er så blankt at ein lurer på om ein nokon gong får det så blankt igjen om ein tar til å bruka den.
Det neste eg ser er at varmespiralen verkar å vera relativt lang = lite wattstyrke pr. cm2 - det er absolutt eit pluss.
Montering av instrumentpanelet er eg ikkje imponert av. Denne modellen er såpass høg at den må kanskje maks stå 50-60 cm over golvet og dermed må ein sitja på huk når ein skal stilla den inn.
Kranen - vel den har både positive og negative sider og eg har vel lest både pro & contra om den her på forumet før. Eg endte raskt opp med å skru på ein krane med litt betre gjennomløp - så får den heller stikka litt ut - eg kan alltids setja eit bend på den og f.eks. la den heller stikka ned.
Reingjering før bruk
Den luktar litt av olje a la symaskin så det vil eg helst ha bort - så her må det litt vask til.
Eg brukar ein skvett zalo og ein god dusj og set igang med ein rask vask. Og raskt støter eg på eit lite "problem". Den går ikkje an å tømma - det blir ståande vatn i den over varmeelementa. Ein slik diger dings er ein jo ikkje så lysten på å kvelva for å få ut vatnet - eller kappseisa som min far brukte å sei. Einaste opsjonen ein då har er å skru av pumpemotoren for å gjera dette. Akkurat det er ikkje så veldig praktisk at det gjer noko. Pumpemotorane er også montert i bakre del og dermed må den snuast rundt sidan den står inntil veggen og ikkje har noko vidare plass på sidene heller.
Før eg har brukt den ser eg altså at eg må gjera meir tilpasningar av den - eg vil helst kunna spyla den rein på ein slik måte at alt helst renn ut av seg sjølv.
Alternativ A er å laga ei gjennomføring i botnen for å kunna laga noko for å tappa. Alternativ B er å kobla seg på røra til ei av pumpene og laga seg ein avløp den vegen. Eg vel alternativ B for ein vil jo helst ikkje setja stegboret i noko så blankt og fint utan at ein må det.
Dei som monterar Speidelen brukar gjengelåsingsmiddel (og eit bittelite snev teflontape kunne det sjå ut til til). Eg ser det er slikt blått gjengelåsingsmiddel i litt overskudd inne i pumpehuset - vi får håpa det ikkje set smak eller er noko vi ikkje vil ha i oss om det skulle løsna. Eg forstår jo at dei gjer det - då kan dei stola på at pumpene står slik dei skal og at rørdelar ikkje løsnar så lett. Ulempa er at gjengelåsingsmiddelet er frykteleg sterkt og det er ikkje alltid lett å løysa to delar frå kvarandre - noko eg måtte her.
No er det greit å løsna pumpemotoren frå pumpehuset og så går det også relativt enkelt å løysa tippunionen på begge pumpefestene med ei lita vannpumpetang og dermed er også pumpehus og armane laus. Det var noko meir arbeid å løsna det eine 90 graders bendet som var låst fast i pumpehuset - men det gjekk med ei skrustikke og ein stor skiftesnøkkel.
Heldigvis har eg kort veg til det meste av rørdippeduttar i syrefast stål og med ein avkorta rett nippelstubb, eit T-ledd og ein slangenippel og ein silikonslangestubb (med krane i andre enden) - så har eg funne noko som eg trur kan funka - iallefall i første omgang. Eg monterar dette på INN-sida på ei av pumpene - så får eg heller huska å la det fyllast med væske slik at det ikkje kjem luft frå denne slangen inn i pumpehuset - speidelpumpene likar ikkje det så godt.
Ein ulempe med denne løysinga er at eg må passa på å tappa litt vørter gjennom den på slutten av koketida for å sikra at det som er i slangen er sterilisert - det vil alltid stå væske i den når det er væske i speidelen
Tips til Speidel: Speidel burde ha laga ein mulighet til å tappa i botnen av speidelen. Gjerne i 3/4" full port slik at det går raskt å dumpa alt botnfallet som oppstår under koking når ein reingjer den.
Så langt har eg altså gjort 2 modifikasjonar før eg tar den i bruk.
Vedlagt bilde av frå undersida FØR og ETTER montering av avløp.
Eg har derfor valgt å prøva eit meir automatisert system som er meir alt-i-eitt. Det kunne jo vore kjekt å laga det sjølv men ein skal ha tid til det også. Og så har endring i vaskeromssituasjonen i kjellaren gjeve meg mulighet til å få meg ein liten bryggjekrok der slik at det blir mindre transport.
Så dermed vart det ein Speidel Braumeister og eg slo like godt til på ein 50 L. Eg skal iallefall gje han ein sjanse. Då eg bestilte den var eg litt kjapp på labben og det gjekk ikkje mange dagar før eg i Nuremberg såg at det var ein ny versjon på veg - men det var eg altså for kjapp til.
Første inntrykk
Då eg var i Nuremberg på messe var folka frå Speidel veldig kry av at dei hadde så godt polert stål. Det var lettare å vedlikehalda. Akkurat det må eg sei meg enig med dei i - Stålet i speidelen er høgglanspolert - det er så blankt at ein lurer på om ein nokon gong får det så blankt igjen om ein tar til å bruka den.
Det neste eg ser er at varmespiralen verkar å vera relativt lang = lite wattstyrke pr. cm2 - det er absolutt eit pluss.
Montering av instrumentpanelet er eg ikkje imponert av. Denne modellen er såpass høg at den må kanskje maks stå 50-60 cm over golvet og dermed må ein sitja på huk når ein skal stilla den inn.
Kranen - vel den har både positive og negative sider og eg har vel lest både pro & contra om den her på forumet før. Eg endte raskt opp med å skru på ein krane med litt betre gjennomløp - så får den heller stikka litt ut - eg kan alltids setja eit bend på den og f.eks. la den heller stikka ned.
Reingjering før bruk
Den luktar litt av olje a la symaskin så det vil eg helst ha bort - så her må det litt vask til.
Eg brukar ein skvett zalo og ein god dusj og set igang med ein rask vask. Og raskt støter eg på eit lite "problem". Den går ikkje an å tømma - det blir ståande vatn i den over varmeelementa. Ein slik diger dings er ein jo ikkje så lysten på å kvelva for å få ut vatnet - eller kappseisa som min far brukte å sei. Einaste opsjonen ein då har er å skru av pumpemotoren for å gjera dette. Akkurat det er ikkje så veldig praktisk at det gjer noko. Pumpemotorane er også montert i bakre del og dermed må den snuast rundt sidan den står inntil veggen og ikkje har noko vidare plass på sidene heller.
Før eg har brukt den ser eg altså at eg må gjera meir tilpasningar av den - eg vil helst kunna spyla den rein på ein slik måte at alt helst renn ut av seg sjølv.
Alternativ A er å laga ei gjennomføring i botnen for å kunna laga noko for å tappa. Alternativ B er å kobla seg på røra til ei av pumpene og laga seg ein avløp den vegen. Eg vel alternativ B for ein vil jo helst ikkje setja stegboret i noko så blankt og fint utan at ein må det.
Dei som monterar Speidelen brukar gjengelåsingsmiddel (og eit bittelite snev teflontape kunne det sjå ut til til). Eg ser det er slikt blått gjengelåsingsmiddel i litt overskudd inne i pumpehuset - vi får håpa det ikkje set smak eller er noko vi ikkje vil ha i oss om det skulle løsna. Eg forstår jo at dei gjer det - då kan dei stola på at pumpene står slik dei skal og at rørdelar ikkje løsnar så lett. Ulempa er at gjengelåsingsmiddelet er frykteleg sterkt og det er ikkje alltid lett å løysa to delar frå kvarandre - noko eg måtte her.
No er det greit å løsna pumpemotoren frå pumpehuset og så går det også relativt enkelt å løysa tippunionen på begge pumpefestene med ei lita vannpumpetang og dermed er også pumpehus og armane laus. Det var noko meir arbeid å løsna det eine 90 graders bendet som var låst fast i pumpehuset - men det gjekk med ei skrustikke og ein stor skiftesnøkkel.
Heldigvis har eg kort veg til det meste av rørdippeduttar i syrefast stål og med ein avkorta rett nippelstubb, eit T-ledd og ein slangenippel og ein silikonslangestubb (med krane i andre enden) - så har eg funne noko som eg trur kan funka - iallefall i første omgang. Eg monterar dette på INN-sida på ei av pumpene - så får eg heller huska å la det fyllast med væske slik at det ikkje kjem luft frå denne slangen inn i pumpehuset - speidelpumpene likar ikkje det så godt.
Ein ulempe med denne løysinga er at eg må passa på å tappa litt vørter gjennom den på slutten av koketida for å sikra at det som er i slangen er sterilisert - det vil alltid stå væske i den når det er væske i speidelen
Tips til Speidel: Speidel burde ha laga ein mulighet til å tappa i botnen av speidelen. Gjerne i 3/4" full port slik at det går raskt å dumpa alt botnfallet som oppstår under koking når ein reingjer den.
Så langt har eg altså gjort 2 modifikasjonar før eg tar den i bruk.
Vedlagt bilde av frå undersida FØR og ETTER montering av avløp.
Sist redigert:
Jeg merker det allerede i den synske "click-to-buy" fingeren min at nettbutikken din vil komme med en mod eller 2 som jeg bare MÅ ha
