protto's b(r)yggeri

[protto]

På oppfordring legg eg ut litt info om meskesystemet eg brukar.

Det består av:

-10 gallon (rommar omtrent 40L) Igloo beverage cooler med silbotn og 1/2" kuleventil for avtapping. Sila ligg heilt i botnen og er litt parabolisk slik at den kun ligg nedpå i omkretsen, men ikkje ellers.

-Pumpe av typen IWAKI MD20. Kunne like gjerne ha vore feks. March 809.

-Varmevekslar laga av ein 2L ståltermos frå Nille eller Europris, med eit 2KW varmeelement frå ein slakta vatnkokar, og ein 4,5m lang spiral av 8mm koparrøyr frå Biltema.

Termosen blir fylt med vatn til heile spiralen er dekka (det betyr heilt full). På røyrendane som stikk opp gjennom eit hol i loket er det satt på overgangar slik at eg kan bruke QD'ar frå MoreBeer. På utløpet har eg satt på ein T slik at eg har eit løp til montering av ei temperaturprobe av typen PT-100. Den er 10 cm lang og stikk gjennom heile T'en for god termisk kontakt med vørteren.
Koblingsboksen nederst på sida av termosen dekkar tilkoblingane til varmeelementet, og husar samtidig SSR'en som switchar nettspenninga til elementet. Eg har laga eit adapter av aluminium mellom koblingsboksen og veggen i termosen.
I tillegg har eg satt i ein brytar i loket på koblingsboksen slik at eg kan isolere frå elementet om det skulle vere nødvendig.

-Ein PID-temperaturregulator som leser temperatursensoren som står i T'en og møler temperaturen på vørterstraumen ut frå varmevekslaren. Den slår av og på SSR'en inne i koblingsboksen på termosen, som igjen gir straum til varmeelementet.
PID'en er montert i eit plastkabinett som også husar termostat til HLT, og ein del anna som ikkje er i drift endå som timerar for påslag av vannvarming og liknande.

Det heile er kobla saman av 1/2" silikonslangar og rustfrie QD'ar frå MoreBeer.

Det var ein utfordring å få vannkokarelementet på plass i termosen. Måtte klemme det litt saman, samt tvinge opningen i termosen litt oval for å få det til. Og så lirke det på plass i holet eg hadde laga på førehand. Termosen er dobbeltvegga og originalt er den vakuumert. Så eg laga først eit litt for stort hol i ytterveggen, så eit passe stort hil til elementet i innerveggen. Så gjorde eg mitt beste for å få anleggsflata så flat som mogelege for at det skulle bli tett. Det gjekk greit med hjelp av litt Tec-7, og har holdt i rundt 15 brygg til no.
Adapteret i aluminium har eg dreia så det passar akkurat gjennom holet i ytterveggen, og klemmer mot innerveggen for å klemme denne flat mot varmeelementet når dei tre skruene blir stramma til.

Koparspiralen er også såpass trang at den måtte skruast ned i opningen i termosen.

SSR'en som ligg inne i koblingsboksen er montert på ei lita aluminiumsplate for varmeledning. Den har også ein LED som lyser gjennom den kvite plastiken i loket til koblingsboksen.

Eg har ingen strupeventil for regulering av flow, då det har vist seg at koparspiralen gir akkurat passe motstand. Har aldri målt flowen men tippar at den er omtrent 2-3 lpm.

 

[protto]

Iglooen held veldig godt på varmen i utgangspunktet så det er ikkje så mykje varmetap eg treng å kompansere for i ein times mesk. Og det har hendt eg har meska utan kontinuerleg sirkulasjon. Men annlegget er veldig fint til å finjustere mesketempen med, og er supernøyaktig. Temperaturen i på vørteren ut av termosen held seg på maks avvik ± 0,2 °C. Det største avviket kjem når eg rampar opp til neste meskesteg. Under mesking held den i praksis tempen utan lesbart avvik.

Ideen er at vørteren ut frå varmevekslaren skal holdast på innstilt temperatur (=ønska mesketemp), og etterkvart vil temperaturen i heile mesken holde denne tempen gjennom heile maltsenga.
Det er veldig sjeldan eg har praktisert stegmesking, men eg køyrer alltid utmesk i 10-15minutt, og då  kan eg følge den varme vørteren frå toppen av maltsenga og nedover i mesken med eit termometer med lang probe, heilt til vørteren som kjem ut i botnen har auka temperatur. Dette kan då merkast på at PID'en reduserar pådraget sitt betrakteleg.

På bildet visast temperatursensoren som går gjennom heile T-stykket. Bildet er tatt slik at ein ser inn gjennom QD'en for vørter ut.

 

[Svein Erik]

Det var interessant å se dette.
Lar du mesken stå en time eller halvannen før du begynner sirkuleringen, eller starter du før?
Når det gjelder det tekniske så ser det ut til å være mange sinnrike innretninger. Mitt umiddelbare inntrykk var kanskje at det ikke er så lett å kopiere uten videre. Spekulerer litt på hvordan dette evt kunne gjøres på en enklere måte.
Mvh Svein Erik

 

[protto]

Resirkuleringen startar eg så snart eg har blanda malt og vatn og rørt godt. Sirkulerar kontinuerleg under heile mesketida. Stoppar gjerne ein gang eller to og rører litt, men ellers går pumpa i ein time + ramp up til mash-out og 10-15 minutt der. Pluss at eg resirkulerar i 10-15 min for kvar skylling også (2stk).
Det gir heilt klar vørter.

Opplegget med den ombyggde termosen er eigentleg å overkomplisere det heile litt.
For å lage ein enkel variant, ta ein vannkokar gjerne 1,5l eller større. Bruk 10mm koparrøyr for det finns det klemringskoblingar til som passar rett over i 1/2" gjengene til QD'ane og T'en.
PID og SSR montert i ein liten kasse med stikkontakt. Berre å plugge vannkokaren i, dyppe spiralen i kokaren og meske i veg.

 

[Bård]

Vil ikke termostaten løse ut, eller har du satt PIDen til en maxtemp slik at vannet aldri vil koke?

 

[protto]

Vil ikke termostaten løse ut, eller har du satt PIDen til en maxtemp slik at vannet aldri vil koke?

På varianten min er det ingen termostat, kun sjølve elementet. Men vatnet vil aldri koke, det er som regel berre nokre få grader høgare enn vørtertemperaruren. Dette vil avhenge av effektiviteten av varmevekslingen sjølvsagt.

 

[Bård]

Aha. Jeg mente seff i en tenkt vannkokerløsning. Interessant at vannet ikke er varmere enn som så. Dette gjelder også når du skal varme opp til neste steg?

 

[Torvald]

Smart termos-HERMS  :ilike: . Kor har du fått tak i den silbunnen? Vurderer å skaffe ein ny silbunn for å minke volumet under bunnen.

 

[protto]

Aha. Jeg mente seff i en tenkt vannkokerløsning. Interessant at vannet ikke er varmere enn som så. Dette gjelder også når du skal varme opp til neste steg?

Det stemmer, sjølv når eg steppar opp frå feks 65 °C til 78 °C så kokar ikkje vatnet. Høyrer brusing og vatnet er sikkert godt over 80 °C men alldri i nærheiten av å koke.

 

[protto]

Smart termos-HERMS  :ilike: . Kor har du fått tak i den silbunnen? Vurderer å skaffe ein ny silbunn for å minke volumet under bunnen.

Den er kjøpt her: http://www.homebrewing.org/12-Stainless-Steel-Domed-False-Bottom_p_1058.html saman med to 10 gallon coolers. Ein til MLT og ein HLT. HLT'en har eg varmeelement i og ein J-type termokoplar, styrt av ein termostat som er berga frå eit ellet anna industrigreier ein gang i tida.

Det som er smart med termos-hermsen er at den er veldig rask i responsen kontra tradisjonell herms med varmevekslaren nedsenka i HLT. Eg ser eigentleg ikkje heilt at det kan fungere like bra då ein får ei vanvittig treg reguleringsløyfe. Men eg har aldri prøvd.

Med "min" løysing reagerar temperaturen nermast instant når PID koblar inn elementet.

 

[Knut_E]

Jeg holder på med en tilsvarende løsning med stegmesking. Ser for meg at jeg vil få en raskere respons hvis jeg tempmålingen til PID sitter på utgangen fra mesketanken.
Men da risikerer jeg kanskje koking i termosen? 

 

[protto]

Jeg holder på med en tilsvarende løsning med stegmesking. Ser for meg at jeg vil få en raskere respons hvis jeg tempmålingen til PID sitter på utgangen fra mesketanken.
Men da risikerer jeg kanskje koking i termosen? 

Å plassere sensoren ved utgangen av mesken, altså før varmeelement/varmevekslar vil vere ein veldig dårleg løysing slik eg ser det.

PID'en vil ikkje registrere temperaturauke før den varme vørteren har passert gjennom heile maltsenga, noko som tek lang tid. Varmetilførselen vil då bli heilt ukontrollert og du har ingen kontroll med kor varm vørteren eigentleg blir. Den kan godt bli kokandes (og ta livet av alle ensymane du treng i mesken) før den mår heilt tilbake til sensoren.

I beste fall får du ei lang og treg reguleringgsløyfe som blir veldig vanskeleg å kontrollere.

Ideen er at vørteren ut frå varmevekslaren skal holde ønska mesketemperatur, då vil etterkvart temperaturen i maltsenga bli det same forutsatt at MLT er tilstrekkeleg isolert. Det kan hende tempen aldri blir heilt den same, men det kan kompanserast for om det er snakk om ein grad eller to.

Varmevekslaren min er i utgangspunktet basert på klassiske RIMS anlegg bortsett frå at eg har erstatta direkte oppvarming med indirekte. Plassering av tempsensor og pumpe er likt.

 

[Torvald]

Ville man ikkje fått best kontroll hvis man hadde satt sensoren på inputt til MLT? Sida tempen sikkert kan synke 0,5 grad på veg fra vekslaren og til MLT, eller?


EDIT: Er det forresten 1/2" dim. på holet midt i silbunnen? Har du fleire bilde av den som viser korleis du har festa den og kurven på den?

 

[protto]

Ville man ikkje fåt best kontroll hvis man hadde satt sensoren på inputt til MLT? Sida tempen sikkert kan synke 0,5 grad på veg fra vekslaren og til MLT, eller?

Det er klart at det ville virka fint. I praksis er det snakk om kansje 0,5m silikonslange frå der eg har den plassert. I praksis mistar eg ingenting målbart på denne avstanden.
Men det eventuelle tapet kan ein legge inn kompansasjon for i PID'en. Fordi det vil vere eit konstant tap og vil aldri variere i særleg stor grad med mindre ein forandrar på slangelengdar, sirkulasjonshastigheit o.l.

Det er eit poeng av betydning for kor godt PID'en kan fungere å ha sensoren nærme varmekjelda. Då kan PID'en gjere det den kan best: regulere ei "tett" og rask reguleringsløyfe.

 

[protto]

EDIT: Er det forresten 1/2" dim. på holet midt i silbunnen? Har du fleire bilde av den som viser korleis du har festa den og kurven på den?

Den ligg laust på botnen. Holer i mitten er ca22mm slik at det går ein male NPT gjennom. Mutter på gjengene hindrar att nippelen stukar i botn. Nippelen er 90° og andre enden er 1/2" kompresjon (swagelock). Ein liten røyrbit koblar saman denne og gjennomføringa.

Det er veldig liten klaring under sila men har fungert veldig bra.
Bilde her: http://www.homebrewing.org/assets/images/web site stuff 006.jpg Eg har sjølvsagt berre rustfrie koblingar

 

[Torvald]

Ok, så nippelen er ikkje festa på undersida av bunnen, men kviler oppå med ein mutter som gjer at den ikkje detter ned i botnen?  Har du nokre bilde fra din, som vise kurven på silbunnen sett fra sida?

 

[protto]

Ok, så nippelen er ikkje festa på undersida av bunnen, men kviler oppå med ein mutter som gjer at den ikkje detter ned i botnen?  Har du nokre bilde fra din, som vise kurven på silbunnen sett fra sida?

Stemmer på ein prikk. Skal knipse bilde av den seinare

 

[Torvald]

Stemmer på ein prikk. Skal knipse bilde av den seinare

Takker  :ilike:

 

[RuneS]

Smart termos-HERMS  :ilike: . Kor har du fått tak i den silbunnen? Vurderer å skaffe ein ny silbunn for å minke volumet under bunnen.

Den er kjøpt her: http://www.homebrewing.org/12-Stainless-Steel-Domed-False-Bottom_p_1058.html saman med to 10 gallon coolers. Ein til MLT og ein HLT. HLT'en har eg varmeelement i og ein J-type termokoplar, styrt av ein termostat som er berga frå eit ellet anna industrigreier ein gang i tida.

Det som er smart med termos-hermsen er at den er veldig rask i responsen kontra tradisjonell herms med varmevekslaren nedsenka i HLT. Eg ser eigentleg ikkje heilt at det kan fungere like bra då ein får ei vanvittig treg reguleringsløyfe. Men eg har aldri prøvd.

Med "min" løysing reagerar temperaturen nermast instant når PID koblar inn elementet.

Kan bekrefte at HERMS med sløyfa i HLT er temmelig trege greier. Jeg har riktignok bare 2m 12mm rør i en 34L kjøleboks. Det duger egentlig mest til å holde mesketempen som kompensasjon for varmetap til pumpe, koblinger og slanger i resirkuleringssløyfa. Brukte i allefall 30 min på å heve mesketempen fra 60 til 64 grader i en mesk med 6kg malt + 21 L vann. Hadde da sensoren ved utløpet. Nå har jeg sensoren i HLT, og legger meg 5 grader over mesketempen. Det holder den stabil.

Stilig opplegg det der protto  :amen: Du har tydeligvis mekke-kløen!

 

[protto]

Stemmer på ein prikk. Skal knipse bilde av den seinare

Takker  :ilike:

Her er bilder av silbotnen. Berre så det er sagt: denne er kjøpt ferdig og var ein del av eit kit kjøpt fra homebrewing.org

Einaste negative mes ein slik type "pickup" er at ein får alltid litt luft i den som må gjennom pumpa.

Tippar du klarer å forme ei flat rist sjølv med ei blåselampe. RF utvidar seg veldig når utsatt for varme og kryp aldri heilt tilbake til utgangspunktet.